நீட் அநீதிக்கு எதிரான மாணவர்களின் கர்ஜணை சவால் இது

கலக்கத்தில் உள்ளம்
கணத்துக் கொண்டிருக்கிறது....

தடைகள் உருவாகவில்லை...!
இங்கு உருவாக்கப்பட்டுள்ளது...!!

கனவுகள் தவறா..?
கண்ட இடம் தவறா..?

திறமைகள் சோதிக்கப்படுகிறதா...?
இல்லை தவிர்க்கப்படுகிறதா...?

என் மண் தகுதியழந்ததா..?
இல்லை - தரமிழந்ததா..?

நுழைவுச்சீட்டுக்கு நுழையும்,
அனுமதியில்லையோ எம்மண்ணில்...!

பாதுகாப்பற்ற உலகில்,
பக்கத்துத்தெரு செல்வதற்கே,
படபடக்கும் உள்ளம்...!
கிராமம் தாண்டா கால்கள்...!!

மாநில எல்லையை...
எப்படிகடக்கப் போகிறதோ - என்ற
கவலையில் எம்பெற்றோர்கள்...!

பாகுபாடு எதற்காகவோ...?
மருத்துவத்தின் தரத்தை, உயர்த்தவென்று...
மறுபடியும் ஏமாற்றவேண்டாம்...!!

மருத்துவத்தை எங்கள் கனவாகவே,
முடக்கிவிடுவதற்கான சதியென்று...
அரசே மார்தட்டிக்கொள்ளுங்கள்...!

வெறுப்பை வெளிக்காட்ட - நாங்கள்
வேற்றுநாட்டு பிள்ளைகளல்ல...!
சொந்தமண்ணில் நிராகரிக்கப்பட்ட அகதிகள்...!!
என்பதே மிகப் பொருத்தம்...!!!

எங்களை நிராகரித்து...
எங்கள் இடங்களை யாருக்கு,
தாரைவார்க்கத் திட்டமோ...?

மைதானங்கள் மாற்றப்படலாம்...!
விளையாட்டும், வெற்றியும் எங்களுடையது...!!
விழுந்தாலும் வீழும் கோழைகளல்ல...!!!

எத்தனை இடையூறு தந்தாலும்...
எதிர்த்து ஜெயித்திடும்,
திறமையும் துணிவும்-எங்களுக்கு
சற்றே அதிகம்...

செயலிழந்தவர்கள் சிலரே...!
செயல்படும் கரங்களின் ஆதரவில்,
களம்காண நாங்கள் தயார்...!!

உதவும் கரங்களே
சுருக்கங்கள் வேண்டாம்...!
இணைந்திடுங்கள் எங்களோடு...
நிச்சயம் வென்றிடுவோம்...!!

தகர்த்திட நாங்கள் பாறைகளல்ல...!
திறமையில் உயர்ந்த எரிமலைகள்...!!

- written by JERRY