புதிய துடைப்பம் - written by Jerr

அரசு அலுவலகம்

திரும்பும் திசையெங்கும்

தூசுகள் நிறைந்த

பலவித ஃபைல்கள்...

வயது முதிர்ந்து விட்டாலும்

உயிரை விட முடியாமல்

தவிப்பவைகள் பல...

!

ஆண்டுகள் செல்ல செல்ல

புது புது ஃபைல்கள்

மேலே மேலே அடைக்கப்பட்டது..!

என்றாவது பயன்படும்

என்பதால் என்னவோ

அலுவலக அலமாரிகளில்

அவைகளுக்கு தங்க அனுமதி..!

அன்று.....

அதிகாரியின் கையில் ஒரு

முக்கிய ஃபைல் - மெதுவாக

அலுவலகத்தை எட்டிப் பார்த்தது...!

முக்கியம் என்பதால் மதிப்பு

சற்று அதிகமாகத்தான் இருந்தது...

ஆணவம் அதிகமானதால்

பழைய ஃபைல்களைப் பார்த்து

ஏளனமாய்ச் சிரித்தது..!

என்னைப் போல் அல்லவா

பிறக்க வேண்டும் என்று

எள்ளி நகையாடியது...!!

அமைதியாகக் கேட்டு கொண்டிருந்த

வயதான பழைய ஃபைல்

மெல்லமாய் சொன்னது...

ஒரு காலத்தில்

நானும் புதிய துடைப்பம் தான் என்று..!

இன்று...

பழைய ஃபைல் கட்டில்

சிதைந்த நிலையில்-இந்த

புதிய ஃபைலும் உறங்குகிறது...!

written by JERRY